Armatimi amerikan i nënshtruar në sulmet kibernetikeUashington, 10 tetor 2018 (MIA) - Armët amerikane u janë nënshtruar sulmeve kibernetike për shkak të vonesave nga ana e Pentagonit në sigurinë kibernetike dhe problemi që të gjendet personel ekspert përkatës, theksohet në raportin e autoriteteve amerikane. Byroja për buxhet, e cila e ka rolin e gjykatës revizore amerikane, e thekson rritjen e digjitalizimit të pajisjes ushtarake amerikan si rrezik të madh nga sulmet kibernetike. Programet kompjuterike dhe sensorë e rrisin efikasitetin e Forcave të Armatosura, por në të njëjtën kohë i bëjnë të pambrojtura në sulmet kibernetike, vlerësohet në raport. Në të theksohet se ekspertë të Pentagonit, derisa kanë testuar pajisje të re të furnizuara nga Armata mes viteve 2012 dhe 2017, kanë treguar sa është e lehtë hakerët t'i depërtojnë këto programe. Në një rast, një ekip prej dy anëtarësh, për vetëm një orë ka arritur të hyjë në sistemin informues për testimin e armëve dhe për vetëm 24 orë të ndërmarrë kontroll të plotë mbi punën e tij, theksojnë autorët e raportit.
|