Janë vrarë gjashtë palestinezë gjatë protestës në Rripin e GazësGazë, 12 tetor 2018 (MIA) - Ushtria izraelite sot vrau gjashtë palestinezë gjatë demonstratave në kufirin e Rripit të Gazës dhe Izraelit, përderisa rreth 50 të tjerë janë plagosur, kumtoi Ministria rajonale e Shëndetësisë në Gazë. Në protestë morën pjesë rreth 14 mijë palestinezë. të cilët gjuanin mjete shpërthyese dhe digjnin goma, transmetoi "Tajms of Izrael". Ushtria izraelite u kundërpërgjigj me gaz lotsjellës dhe armë zjarri. Hamasi, i cili e kontrollon Rripin e Gazës, prej marsit organizon protesta çdo të premte në kufirin me Izraelin, me qëllim që të kryejë presion dhe të çojë drejt heqjes së bllokadës izraelito-egjiptiane të vendosur në vitin 2007, kur Hamasi e mori me dhunë Gazën. Prej marsit e deri më sot në ato protesta janë vrarë së paku 150 palestinezë.
|