Mun: Kim është i sinqertë në lidhje me armët bërthamore, duhet të shpërblehet

Paris, 15 tetor 2018 (MIA) - Lideri koreanoverior Kim Xhong-un është i sinqertë dhe vërtetë dëshiron të heq dorë nga armët bërthamore, deklaroi presidenti koreanojugor Mun Xhae-in, duke theksuar se bashkësia ndërkombëtare duhet ta shpërblejë për këtë.
"Këtë vit me orë kam biseduar me Kim. Këto takime më bindën se ai ka sjellë vendim strategjik të heq dorë nga armët bërthamore", theksoi Mun.
Phenaini këtë vit i ndërpreu testimet bërthamore dhe raketore, por nuk e ka përmbushur premtimin të lejojë inspektim ndërkombëtar në repartin e demontuar në maj.
Megjithatë, Mun pohon se Kim është "i sinqertë, i qetë dhe i sjellshëm", por edhe "ndjehet i frustruar për shkak mosbesimit të bashkësisë ndërkombëtare".
"Tani është koha të përgjigjemi në këto përpjekje... Duhet ta bindim Kim Xhong-un se ka sjellë vendim të vërtetë për denuklearizimin dhe ta ndjekim në dëshirën e tij për paqe përfundimtare", shtoi lideri koreanojugor.