Mbreti saudit urdhëroi hetime për gazetarin e zhdukur Kashogi

Riad, 15 tetor 2018 (MIA) - Mbreti saudit Salman sot ka urdhëruar hetime për zhdukjen e gazetarit saudit Xhamal Kashogi pasi autoritetet turke paralajmëruan bastisje në Konsullatën saudite në Stamboll, ku më 2 tetor Kashogi hyri dhe më pas i humbet çdo gjurmë.
Sipas televizionit turk NTV, e cila thirret në burime diplomatike, autoritetet turke pasditen e sotme do të zhvillojnë bastitje në Konsullatën e Arabisë Saudite në Stamboll në kuadër të hetimeve për zhdukjen e gazetarit saudit.
"Mbreti ka urdhëruar Prokurorin publik të hap hetime të brendshme për lëndën Kashogi në bazë të informacioneve nga grupi i përbashkët i punës në Stamboll", ka thënë person zyrtar, i cili ka kërkuar anonimitet.
Kashogi, një kritik i qeverisë saudite, u zhduk më 2 tetor pasi ky i fundit hyri në konsullatën e saj në Stamboll. Presidenti amerikan, Donald Tramp tha se ai do ta dënonte Arabinë Saudite nëse ajo do të rezultonte përgjegjëse për vrasjen e tij.
Autoritetet në Stamboll besojnë se Kashogi është vrarë brenda konsullatës nga agjentë sauditë, pretendime këto që Riadi i ka hedhur poshtë duke i quajtur gënjeshtra. Televizionet turke kanë transmetuar pamje të kamerave të sigurisë të momentit kur Kashogi ka hyrë në konsullatë nga ku mendohet se nuk ka dalë më.