Le Drian: Nuk ka përfunduar lufta kundër SHI në SiriAman, 14 janar 2019 (MIA) – Shefi i diplomacisë franceze Zhan-Iv Le Drian gjatë vizitës së djeshme në kryeqytetin e Jordanisë, Aman, deklaroi se lufta kundër Shtetit Islamik në Siri nuk ka përfunduar, duke shtuar se gënjehen të gjithë ata të cilët mendojnë se i kanë fituar xhihadistët.
Presidenti amerikan Donald Tramp më 19 dhjetor paralajmëroi tërheqjen e rreth 2.000 ushtarëve amerikanë nga Siria, duke vlerësuar se SHI është fituar edhe pse kontrollon zona të vogla në pjesën lindore të vendit i cili ende është në luftë.
Vendimi i Trampit i befasoi aleatët amerikan, mes të cilëve edhe Franca e cila ka 1.200 ushtarë në kuadër të koalicionit ushtarak amerikan i kryesuar nga SHBA-ja. Koalicioni të premten kumtoi se ka filluar me tërheqjen e pajisjeve nga Siria.
“Lufta nuk ka përfunduar në Siri. Në Siri ekzistojnë dy luftëra, njëra kundër xhihadistëve dhe ajo nuk ka përfunduar, ndërsa e dyta është luftë e brendshme qytetare”, deklaroi Le Drian në konferencën e përbashkët për shtyp me ministrin jordanez të Punëve të Jashtme Ajmen Safadi.
Ai shtoi se me mbretin jordanez Abdullahi u Dytë ka biseduar për zgjidhjen politike të konfliktit sirian, duke shtuar se edhe më tutje prioritet mbetet “çrrënjosja e xhihadistëve. Lufta në Siri filloi në mars të vitit 2011, e cila shkaktoi zhvendosjen e milionë njerëzve, ndërsa jetën e humbën 360.000 persona.
|