Uashington, 11 shtator 2019 (MIA) – SHBA-ja kumtoi se në vigjilje të 18 vjetorit të sulmeve të 11 shtatorit vendosin sanksione për një numër të madh të grupeve të cilat i vlerësojnë si terroriste dhe ithtarë të tyre, përfshirë edhe grupin palestinez Hamas dhe Gardën Revolucionare iraniane.
“Në goditje të sanksioneve janë 15 liderë, individë dhe subjekte që kanë lidhje me grupe siç janë Hamasi, Al Kaida, Shteti Islamik dhe Garda Revolucionare iraniane”, thuhet në deklaratën e sekretarit të Financave të SHBA-së, Stiven Mnuçin.
Mnuçin thekson se urdhri ekzekutiv i Trampit për luftë kundër terrorizmit i përforcon autorizimet amerikane kur cak janë sanksione për financimin e grupeve terroriste dhe udhëheqësve të tyre.
Sanksionet parashohin se mjetet e të të prekurve në SHBA do të bllokohen, ndërsa qytetarëve amerikanë do t’iu ndalohet që të kenë biznese me ata persona. fc/