Të paktën 26 viktima në shpërthimin e bombës në Pakistanin veriperëndimor (PLT)

Peshavar, 10 janar 2012 (MIA) - Të paktën 26 viktima e humbën jetën, ndërsa mbi 60 u lënduan në sulmin e kryer në mëngjes në tregun në pjesën veriperëndimore të Pakistanit.

Shpërthimi ndodhi në Xhamrud, një ndër qytete më të  mëdha në zonën fisnore Hajber, në kufi me Afganistanin.

Më parë, është raportuar se sulmi është kryer mbi stacionin e autobusave. Përfaqësuesi i forcave të sigurisë deklaroi se 13 persona e kanë humbur jetën, ndërsa mbi 50 janë të lënduar, përderisa mediat lokale publikuan se 15 persona e humbën jetën, ndërsa 25 u lënduan.

Policia dyshon se sulmi është kryer nga luftëtarë të lëvizjes "Tehrik-e-taliban Pakistan".

Momentalisht pothuajse të gjitha grupet e lëvizjes talebane në Pakistan negociojnë me autoritetet në Islamabad. Megjitahte disa grupe nuk dëshirojnë kompromis me autoritetet dhe vazhdojnë me sulmet terroriste.