Gjashtë kryengritës e humbën jetën gjatë një sulmi ajror amerikan në PakistanIslamabad, 12 janar 2012 (MIA) - Të paktën gjashtë kryengritës janë vrarë sot gjatë sulmit ajror amerikan në pjesën veriperëndimore të Pakistanit, kumtuan përfaqësuesit e zbulimit pakistanez.
Një fluturake pa pilot me dy raketa ka goditur dy automjete në provincën Vaziristani Verior.
Katër kryengritës tjerë e humbën jetën para dy ditëve gjatë sulmit ajror në një rajon fisnor në kufirin me Afganistanin.
Dy sulmet paraqesin ripërtëritje të fushatës amerikane nga sulmet me aeroplanë pa pilot, e cila është ndërprerë para rreth dy muajve pas vrasjes më 26 nëntor të 24 ushtarëve pakistanez gjatë operacionit të forcave të NATO-s në Afganistanin fqinj.
|