Vendimi për shpërndarje të parlamentit është përfundimtar dhe i detyrueshëm, insiston Gjykata supreme kushtetuese egjiptiane Kajro, 9 korrik 2012 (MIA) - Gjykata supreme kushtetuese egjiptiane - instanca më e lartë gjyqësore në vend - insiston në atë se vendimi për shpërbërje të parlamentit është përfundimtar dhe i detyrueshëm, transmetuan mediumet amerikane, duke iu referuar kumtesës së televizionit nacional.
Muajin e kaluar Gjykata kushtetuese urdhëroi që parlamenti të shpërbëhet nën arasyetimin se zgjedhjet ishin organizuar në pajtueshmëri me ligjin jokushtetues, që kandidatëve partiak u lejon të garojnë për vende që janë caktuar për kandidatët e pavarur, transmetojnë mediumet.
Vendimi i gjykatës u kërkua nga Këshilli i lartë ushtarak, i cili udhëheqë me Egjiptin që nga rënia e ish-presidentit Hosni Mubarak nga pushteti.
Sot paraprakisht kryetari i Dhomës së Ulët të parlamentit egjiptian, Saad al Katatni u bëri thirrje deputetëve që nesët të lajmërohen në mbledhje plenare, transmetuan mediumet britanike, duke iur eferuar agjencisë informative nacionale egjiptiane MENA.
Vendimi ppër thirrje të parlamentit u soll pasi që presidenti i sapozgjedhur i vendit, Mohamed Morsi dha dekret me të cilin e hodhi poshtë shpërbërjen e parlaentit, theksojnë mediumet britanike.
|