Gjykata pakistaneze dha urdhër për arrestimin e ish-presidentit Pervez MusharafIslamabad, 18 prill 2013 (MIA) - Një gjykatë në Pakistan ka urdhëruar arrestimin e ish-presidentit të vendit, Pervez Musharaf, në lidhje me arrestimin e një gjyqtari në vitin 2007.
Musharaf ishte i pranishëm në Gjykatën e Lartë të Islamabadit kur gjyqtari dha vendimin. Ai ishte në kërkim të një rruge shpëtimi.
Policia e pranishme në sallë nuk e arrestoi atë kur urdhëri u lëshua. Gjenerali i tërhequr la menjëherë gjykatën dhe u largua i shoqëruar nga truprojat e tij.
Musharaf mund të apelojë vendimin në fjalë në Gjykatën Supreme të Pakistanit dhe avokatët mbrojtës kanë deklaruar se do ta bëjnë një gjë të tillë.
Ai u kthye nga mërgimi muajin e kaluar në përpjekje për të çuar partinë e tij Lidhja Myslimane e Pakistanit në zgjedhjet e përgjithshme të muajit të ardhshëm.
Por më herët gjatë muajit kandidatura e tij u refuzua. Edhe më parë ai kishte dështuar në arritjen e qëllimeve të tij politike.
Musharaf është përfshirë në një seri betejash ligjore dhe është përpjekur të shmangur arrestimin që kur mbërriti për t'u përballur me akuzën për tradhti. Ai i ka cilësuar të gjitha çështjet dhe akuzat e ngritura ndaj tij si të pabaza dhe të motivuara politikisht.
|