Kejp-Taun, 6 dhjetor 2013 (MIA) - Në moshën 95 vjeçare ka vdekur Nelson Mandela, presidenti i parë me ngjyrë i Afrikës së Jugut dhe ikonë e luftës kundër aparteidit. Lajmin e ka bërë të ditur presidenti aktual i Afrikës së Jugut, Xhejkob Zuma.
Mandela e udhëhoqi transicionin e pushtetit të minoritetit të të bardhëve në Afrikën e Jugut më 1990, pas qëndrimit 27 vjeçar në burg.
Mandela ishte në një terapi intensive shtëpiake të kurimit nga infeksioni në mushkëri pas qëndrimit tremujor në spital.
Në deklaratën e dhënë në teleivizonin kombëtar të Afrikës së Jugut, Zuma tha se Mandela "shkoi" dhe e bëri këtë në paqe.
"Kombi ynë humbi birin e vet më të madh", ka thënë Zuma.
Mandela ishte shpërblyer me Çmimin Nobel për Paqe më 1993 dhe ishte zgjedhur kryetari i parë me ngjyrë i Afrikës së Jugut në vitin 1994.