Trupi i Nelson Mandelës është transferuar në PretoriPretori, 6 dhjetor 2013 (MIA) - Trupi i luftëtarit të vdekur kundër аparteidit në Afrikën Jugore, Nelson Mandela sot është transferuar nga shtëpia e tij në rajonin e Houtonit në Johanesburg, deri te spitali ushtarak në Pretori, lajmëroi ITAR-TASS.
Ashtu siç kumtoi paraprakisht presidenti afrikanojugor Xhejkob Zuma, Mandela i cili vdiq mbrëmë do të varroset me të gjitha nderimet shtetërore.
Në RAJ është shpallur ditë zie kombëtare. Deri në varrim, data e të cilës ende nuk është konfirmuar, flamujt nacional nëpër të gjithë vendin do të lëshohen në gjysmë shtizë.
Sipas informatave jozyrtare, varrimi me siguri do të mbahet të shtunën e ardhshme.
Nelson Mandela vdiq mbrëmë në moshën 95 vjeçare.
Gjatë 27-të viteve të kaluara në burg gjatë aparteidit, Mandela ka qenë i sëmurë nga tuberkulozi.
Familja e Mandelës dëshirojnë që ai të varroset pranë fëmijëve të tij të vdekur në qytetin Kunu, në provincën e Kejpit Lindor.
Në Kunu është varrosur djali i tij Makato, i cili në vitin 2005 vdiq në moshën 55 vjeçare, vajza e tij e parë Makazive, vdiq në moshën nëntë muajshe në vitin 1948, dhe djali i dytë Tembekile, i cili ka humbur jetën në vitin 1969 në aksident me automobil në moshën 24 vjeçare.
|