Reagimet e liderëve botëror për vdekjen e Nelson Mandelës - 2Londër, 6 dhjetor 2013 (MIA) - Liderët e të gjithë botës sot shprehin keqardhje për shkak të vdekjes së presidentit të parë me ngjyrë jugoafrikan dhe ikonë e luftës kundër aparteidit, Nelson Mandela i cili vdiq mbrëmë në shtëpinë e tij në Johanesburg në moshën 95 vjeçare.
Mbretëresha britanike Elizabeta e dytë kumtoi se thellë është e tronditur nga lajmi për vdekjen e "luftëtarit kundër aparteidit Nelson Mandela".
"Ai në mënyrë të palodhshme ka punuar për të mirën e vendit të tij. Trashëgimia e tij është Afrika Jugore e qetë", citohet në kumtesën e Pallatit të Bakingamit.
Mbretëresha potencon se ka kujtime shumë të mira nga takimet e saj me Mandelën dhe u shprehu ngushëllime familjes së tij dhe popullit.
Princi Çarls, gjithashtu i dha respekt Mandelës, duke e quajtur "inkorporim i guximit dhe i paqes", i cili e ndryshoi jetën e shumicës me luftën e tij për paqe, liri dhe drejtësi.
Presidenti rus Vlladimir Putin shprehu keqardhje për shkak të vdekjes së Mandelës. Në telegram deri te presidenti jugoafrikan Xhejkob Zuma u shprehu ngushëllime dhe përkrahje të gjithë familjarëve dhe të afërmve të Mandelës, si dhe gjithë popullit të Afrikës Jugore.
"Me emrin e Mandelës është e pandashme e gjithë epoka e lidhur me historinë e re të Afrikës, të shënuar me fitoren mbi aperteidin dhe ndërtimin e Republikës Jugore Afrikane demokratike, kumtoi pres shërbimi i Putinit.
Presidenti rus shënoi se Mandela ka kaluar përmes përvojave më të rënda, por deri në fund të jetës së tij ka mbetur i besueshëm në idealet dhe humanizmin dhe drejtësinë.
Ish lideri sovjetik Mihail Gorbaçov jetën e Mandelës e potencoi si "shembull për të gjithë të cilët mendojnë për vendin e tyre", dhe kumtoi se ka humbur një mik, të cilin mirë e ka njohur.
"Mandela është njeri i cili meriton të gjithë t'i shprehim falënderim të madh për atë që e ka bërë. Kujtimi i tij do të mbetet i përjetshëm", shpalli Gorbaçov.
Komiteti për Çmimin Nobel i Norvegjisë i shprehu respekt Mandelës, duke e quajtur "si njërin nga emrat më të mëdhenj në historinë e gjatë të çmimit Nobel për paqe".
Ish lideri jugoafrikan e mori këtë çmim prestigjioz në vitin 1993, së bashku me presidentin e atëhershëm jugoafrikan Frederik de Klerk për përpjekjet e tij për paqe pas dekadave të aparteidit në vend.
Vepra e Mandelas "edhe sot u dërgon porosi të gjthë atyre të cilët kanë përgjegjësi në konflikte të pazgjedhura, nënvizohet në kumtesën e Komitetit Nobel. Madje edhe konfliktet më të rënda mund të zgjidhen me mjete të qeta, vlerëson komiteti Nobel.
|