Një person e humbi jetën gjatë protestave në Rio-de-ZhanejroRio-de-Zhanejro, 23 prill 2014 (MIA) - Një person e humbi jetën në trazirat e mbrëmshme të cilat shpërthyen në afërsi të plazhit të njohur Kopakabana në Rio-de-Zhanejro.
Protestuesit kanë protestuar për shkak të vrasjes së një valltari të ri, me ç'rast e akuzojnë policinë. Ata i dogjën barrikadat me goma të automjeteve me ç'rast autoritetet duhet të mbyllin dy rrugë në Rio-de-Zhajnero.
Mediat braziliane publikuan se policia e vrau valltarin 25-vjeçar, Dagllas Rafael de Silva Pereiro, duke menduar se është dilerë i drogës. Miqtë e tij theksuan se ai të hënën në mbrëmje është gjendur në vendin e përleshjes midis policisë dhe dilerëve, me ç'rast është fshehur në kopshtin e afërt, por më vonë është gjetur i rrahur për vdekje.
Viktima në protestën e djeshme është një burrë 27-vjeçar, për të cilin mediat lokale theksojnë se ka qenë me probleme mentale. Ai është qëlluar në kokë dhe vdiq në spital.
|