Vriten të paktën gjashtë pjesëtarë të Hamasit në një sulm ajror izraelitGazë, 7 korrik 2014 (MIA) - Në një sulm ajror izrelit sot janë vrarë gjashtë pjesëtarë të Hamasit, njoftoi krahu ushtarak i organizatës, që paraqet sulmin më të madh individual ndaj grupit islamist nga lufta tetëditore në vitin 2012.
Armata izraelite paraprakisht njoftoi se janë vrarë dy palestinezë, ndërsa një është lënduar në një sulm të fluturakeve izraelite pa pilot në Rripin e Gazës.
Viktimat janë pjesë e grupit të armatosur që ishte cak i sulmit të fluturakeve izraelite pa pilot në lindje të kampit të refugjatëve Bureaixh, në afërsi të kufirit.
Nga e diela, ekstremistë nga Gaza kanë gjuajtur të paktën 25 raketa dhe granata përmes kufirit të territorit izraelit.
|