Izraeli zgjeroi ofensivën, ndërsa Hamasi bombardon Tel Avivin dhe JerusaleminTel Aviv, 9 korrik 2014 (MIA) - Izraeli sot dukshëm e ka zgjeruar ofensivën e vet në Rripin e Gazës pasi nga territoret palestineze janë gjuajtur raketa në Jerusalem dhe Tel Aviv.
Kjo është përplasja më e madhe mes dy palëve që nga nëntori i vitit 2012 dhe rritet shqetësimi se Izraeli mund të ndërmarrë një ofensivë të madhe tokësore.
Uashingtoni, Brukseli dhe shumica e vendeve arabe kërkuan ndërprerjen e menjëhershme të dhunës, e cila rrezikon të rritet në një konflikt më të madh në rajon.
Prej dje aeroplanët izraelitë bombarduan 430 objektiva në Rripin e Gazës, ndërsa kryengritësit e Hamasit gjuajtën 117 raketa, disa prej të cilave mbi Jerusalem dhe Tel Aviv, madje edhe në Hader, 116 kilometra larg.
Në përleshjet e deritashme janë vrarë 32 palestinezë, mes të cilëve edhe kryengritës, por edhe gra dhe fëmijë. Mbi 230 janë plagosur.
|