Vala e nxehtë, e cila prej javës së kaluar e kaploi Japoninë, me temperatura që arrijnë 35 gradë në hije, mori jetët e 15 personave, ndërsa 8.580 kërkuan ndihmë mjekësore, 19 prej të cilëve janë në gjendje të rëndë, kumtoi sot Agjencia japoneze për fatkeqësi elementare.
Sipas të dhënave të kumtuara, të cilat bazohen vetëm në numrin e atyre të cilët kërkuan ndihmë të shpejtë, 44,4 për qind e njerëzve ishin të moshës mbi 65 vjeç, të cilët përbëjnë një të katërtën e popullatës së vendit.
Javën e kaluar ndihmë mjekësore kërkuan 3.179 persona për shkak të temperaturave të larta, me ç'rast jetën e humbën tre persona.