Dhjetë persona e humbën jetën gjatë sulmit jaror izraelit ndaj një shkolle të KB-së në Rripin e Gazës Gazë, 3 gusht 2014 (MIA) - Dhjetë persona e humbën jetën, ndërsa 30 janë lënduar sot gjatë sulmit ajror izraelit, me ç'rast është goditur një shkollë e KB-së në qytetin Rafah në Rripin e Gazës, konfirmuan dëshmitarët okular dhe burime mjekësore.
Autoritetet ushtrake izraelite refuzuan t'i komentojnë pohimet e këtilla.
Granata, e hedhur nga aeroplani, shpërtheu në hyrje të shkollës, ku fshiheshin qindra palestinezë të cilët kishin ikur nga rajonet e veprimeve ushtarake.
Rreth 30 palestinezë u vranë javën e kaluar gjatë sulmeve ndaj shkollave të KB-së në Bjt Kanun dhe Xhabala, që shkaktuan reagime të ashpra nga komuniteti ndërkombëtar.
Paraprakisht sot, në sulme ajrore u goditën dy ndërtesa afariste në qendër të qytetit të Gazës. Ushtarët izraelitë kumtuan se sot kanë kryer 180 sulme, ndërsa sipas burimeve mjekësore, në to jetën e kanë humbur 30 palestinezë.
Sulmet e reja ajrore ndodhin në momentin kur është kumtuar se Izraeli ka filluar të tërheqë nga Gaza një pjesë të njësive të veta këmbësorike.
Një zëdhënës i armatës sot në mëngjes zyrtrisht konfirmoi tërheqjen e pjesërishme, duke cekur se opracioni izraelit nuk ka prëfunduar tërësisht, por ai do të fokusoht në rajonin Rafah.
|