Uashington, 7 gusht 2014 (MIA) - Stabilitet i përhershëm në marrëdhëniet midis Izrelit dhe Palestinës nuk do të ndodh në një të ardhme të afërt dhe liderët e të dyja palëve duhet të ndërmarrin rrezik politik për arritje të paqes dhe prosperitetit, deklaroi presidenti amerikan, Barak Obama.
"Megjithatë, fillimisht duhet të ruhet armëpushimi i përkohshëm në Rripin e Gazës dhe ai të respektohet deri në skadimin e afatit të premtën", deklaroi Obama.
Obama, sërish theksoi se Izraeli ka të drejtë të mbrohet nga sulmet raketore nga Rripi i Gazës dhe tunelet që i shfrytëzon Hamasi, por edhe se palestinezët në Rripin e Gazës duhet të kenë ndonjëfarë besimi se do të munden sërish ta ndërtojnë bashkësinë e tyre dhe të realizojnë prosperitet.