Hamas: Lufta me Izraelin nuk ka përfunduar Tel-Aviv/Gaza, 7 gusht 2014 (MIA) - Përfaqësuesi i lartë i Hamasit, Mushir al - Masri, sot ithtarëve të lëvizjes në tubimin në qytetin Gaza u deklaroi se lufta me Izraelin nuk do të përfundojë derisa nuk plotësohen tërësisht kërkesat e tyre politike.
"Gishtat tanë janë në shkrehëz dhe raketat tona janë të drejtuara drejt Tel-Avivit", tha ai.
Në Kajro, ndërkohë, zhvillohen bisedime indirekte për masat e reja të kufijve të bllokuar në Rripin e Gazës dhe për vazhdimin e ndërprerjes treditore të zjarri, që përfundon nesër në mëngjes.
Hamasi kërkon që të pezullohet bllokada mbi Rripin e Gazës, por Izraeli insiston që kjo organizatë islamike fillimisht të çarmatoset.
Al-Masri deklaroi se Hamasi asnjëherë nuk do ta shqyrtojë kërkesën e këtillë. Ai thotë se pjesëtarët e Hamasit "nuk do t'i dorëzojnë armët derisa vendi i tyre nuk lirohet".
Në tubim kanë qenë të tubuar mijëra ithtarë të Hamasit dhe ky ka qenë grumbullimi i parë i aktivistëve të Hamasit nga filli i i ofensivës izraelite, më 8 korrik.
|