Iraku mori premtim për mbështetje me të gjitha mjetet për luftë kundër xhihadistëve

Paris, 15 shtator 2014 (MIA) - Pjesëmarrësit në Konferencën ndërkombëtare për siguri të Irakut, që sot po mbahet në Paris, premtuan se do ta mbështesin Bagdadin në luftën kundër pjesëtarëve të grupit xhihadist Shteti islamik me të gjitha mjetet e domosdoshme, duke përfshirë edhe ato luftarake.

"Pjesëmarrësit në Konferencë vlerësuan se Shteti islamik paraqet kanosje jo vetëm për Irakun, por edhe për gjithë bashkësinë ndërkombëtare", thuhet në Deklaratën përfunduese nga takimi në Paris, në të cilën marrin pjesë përfaqësues të rreth 30 shteteve nga e gjithë bota.

Në dokument pjesëmarrësit e Konferencës zotohen se do ta mbështesin Qeverinë e re irakiane me të gjitha mjetet e domosdoshme në luftën kundër xhihadistëve, duke përfshirë këtu edhe dhënien e ndihmës ushtarake.