Kameramani i infektuar i En-Bi-Si-së shërohet nga ebola

Uashington, 22 tetor 2014 (MIA) - Kameramani i televizionit amerikan En-Bi-Si, Ashoka Mukpo, i cili u infektua me virusin e ebolës, është shëruar dhe do ta braktisë spitalin në Nebraska, njoftuan burime spitalore.

Kameramani, i cili është infektuar me virusin duke punuar në Afrikën Perëndimore, më 6 tetor është pranuar në spital. Ai është pacienti i dytë me ebolë, me sukses i shëruar në Qendrën mjekësore të Nebraskës.

Ndërkohë përfundimisht u konfirmua se infermierja spanjolle Teresa Romero, rasti i parë i një personi të infektuar nga ebola jashtë Afrikës, tashmë nuk është bartëse e virusit.

Spitali "Karlosi i Tretë" në madrid njoftoi se edhe testi i dytë për ebolë i Romeros është negativ. Ajo është shëruar me transfuzion të gjakut nga një pacient, i cili është shëruar nga sëmundja.