Amerikanët i përforcuan sulmet ajrore në SiriUashington, 23 tetor 2014 (MIA) - Forcat ushtarake amerikane kanë vazhduar edhe sot me sulmet e tyre ajrore kundër militantëve të Shtetit Islamik në Kobane të Sirisë, ka njoftuar të enjtën, qendra komanduese e SHBA-së.
Sipas kësaj qendre, dje dhe sot 15 sulme ajrore janë ndërmarrë kundër SHI-së në Irak dhe Siri.
Deklarata e tyre, thotë se forcat amerikane me avionët e tyre bombardues kanë ndërmarrë katër sulme afër kufirit në Kobane, duke shkatërruar një qendër kontrolluese të SHI-së dhe po ashtu kanë rrënuar dy rafineri të naftës në lindje të Deir al Zur.
Sulmet tjera janë zhvilluar në Irak afër një burimi ujor në Mosul, me ç'rast kanë shkatërruar një automjet, pastaj në Bajxhi dhe në zonën Falluxha.
Sipas qendrës komanduese, avionët e përfshirë në sulme, janë kthyer pa probleme.
|