Shtatë persona janë vrarë gjatë sulmit ndaj nëpunësve të shëndetësisë në Kinë

Pekin, 20 nëntor 2014 (MIA) - Shtatë persona, mes të cilëve gjashtë infermiere dhe një administrator, janë vrarë sot me thikë në Kinën veriore, që paraqet edhe një sulm ndaj nëpunësve në sektorin e shëndetësisë në vend.

Edhe një infermiere është lënduar rëndë në incidentin në Beidaihe - pushimore në afërsi të Pekinit, që është një nga vendet më të popullarizuara për pushim të anëtarëve të lartë të Partisë Komuniste të Kinës.

Sipas policië, vrasjet i ka kryer një burrë 27 vjeçar, lajmëroi agjencia e lajmeve Ksinhua, pa i theksuar motivet e tij.

Vala e sulmeve ndaj mjekëve dhe infermiereve në Kinë gjatë dy viteve të fundit, detyroi Ministrinë kineze të Shëndetësisë të ndërmerrë masa shtesë për sigurinë e spitaleve.