Policia i urdhëroi demonstruesit në Ferguson që t'i ndërprejnë protestat

Ferguson, 26 nëntor 2014 (MIA) - Policia në periferinë e Sent Luis, Ferguson i urdhëroi demonstruesit, të cilët tani më dy netë mblidhen për të protestuar kundër vendimit për të mos dalë para gjykatës polici i cili e qëlloi adoleshentin 18 vjeçar, që t'i ndalojnë protestat.

Demonstruesit u mblodhën para ndërtesës së stacionit policor. Kjo protestë ishte e qetë për dallim nga protesta e cila kaloi në dhunë, pasi të hënën u bë e ditur se polici i cili e qëlloi afroamerikanin 18 vjeçar, Majkëll Braun nuk do të dalë para gjykatës.

Edhe përveç asaj që protesta ishte e qetë, pak pas mesnatës një grup i demonstruesve u ndanë nga grupi i përgjithhsëm dhe arritën të ndezin një automjet policor para ndërtesës së autoriteteve lokale. Policia shpejt e ka shuar zjarrin dhe arrestoi disa persona.

Presidenti amerikan Barak Obama ndërkohë deklaroi se me asgjë nuk mund të arsyetohet ndezja e ndërtesave, automobilave dhe prishja e pasurisë private, duke i komentuar trazirat e djeshme, të cilat filluan pas u soll vendimi për policin.

"Veprime të tilla destruktive janë krime dhe përgjegjësit duhet ta marrin fajin", tha Obama në qytetin amerikan Çikago.