Uashington, 16 dhjetor 2014 (MIA) - Epoka e operacioneve të mëdha të forcave të armatosura amerikane në vendet e huaja përfundon, por ushtria duhet të jetë e gatshme për kryerjen e detyrave të ndryshme, deklaroi para tre mijë ushtarëve në bazën ushtarake Megvajr-Diks-Lejkhardts presidenti i SHBA-së Barak Obama.
Presidenti amerikan tha se afro 180 mijë trupa kishin qenë në Irak dhe Afganistan në kohën kur ai e ka marrë detyrën president, por sipas tij, deri në fund të dhjetorit, numri i këtyre trupave do të jetë më pak se 15 mijë.
Obama tha se Shtetet e Bashkuara të Amerikës janë në rrugën e duhur për t'i dhënë fund misionit ushtarak në Afganistan në fund të këtij viti, duke lënë pas një forcë që do ti trajnoj trupat afgane të sigurisë.
Obama është shprehur i bindur se koalicioni i udhëhequr nga SHBA-ja, i cili lufton kundër Shtetit Islamik në Siri dhe Irak, më në fund do ta shkatërroj këtë grup ekstremist.