Gjykata e BE-së heq Hamasin nga lista terroristeBruksel, 17 dhjetor 2014 (MIA) - Gjykata e përgjithshme e Bashkimit Evropian ka anuluar vendimin e bllokut për të mbajtur Lëvizjen islamike palestineze Hamas në listën e grupeve terroriste.
Vendimi është bazuar jo në shqyrtimin e veprimeve të Hamasit, por në “fajësimet faktike që rrjedhin nga interneti dhe shtypi”, kanë konstatuar gjykatësit.
Hamasi kontrollon Gazën dhe gjatë verës ka zhvilluar luftë 50-ditëshe me Izraelin.
Grupi po ashtu është përcaktuar si organizatë terroriste nga Izraeli, SHBA-ja dhe disa vende të tjera, për shkak të sulmeve dhe refuzimit të tij për të hequr dorë nga dhuna.
Nën statutin e tij, Hamasi është i angazhuar për shkatërrimin e Izraelit.
|