Vaksina kundër ebolës është e sigurtë, pohojnë shkencëtarët britanikLondër, 29 janar 2015 (MIA) - Rezultatet e para të hulumtimit të vaksinës kundër ebolës ndaj njerëzve tregojnë se ajo është e sigurtë.
Lajmet e tilla inkurajuese arritën nga shkencëtarët britanikë, të cilët janë përfshirë në përpunimin e vaksinës eksperimentale kundër ebolës.
Hulumtimi i vaksinës nga firma "GlaksoSmithKlajn" (GSK) ndaj njerëzve tregon se ajo është e sigurtë dhe krijon mbrojtje imunologjike të organizmit nga virusi i ebolës. Shkencëtarët, megjithatë, njoftojnë se nevojiten shumë eksperimente më të gjera ndaj njerëzve që të mundet më bindshëm të vërtetohet se vaksina mbron.
Dozat e para të kësaj vaksine arritën në Liberi javën e kaluar, ndërsa në periudhën e ardhshme do të zbatohen testimet e para në përmasa më të mëdha. Punonjësit shëndetësor të cilët ndihmojnë në shërimin e të infektuarve do jenë mes njerëzve të parë që do të vaksinohen.
Hulumtuesit shpresojnë se do të arrijnë ta testojnë vaksinën mbi 30.000 njerëz.
Vaksinën të cilën në vitin 2013 e bleu GSK, e të cilën së bashku e krijuan Instituti shëndetësor kombëtar i SHBA-së dhe kompania "Okairos", e cila merret me bioteknologji, për momentin testohet në pesë lokacione, ndërsa në testimin e fazës së parë në Britani të Madhe, Zvicër dhe Mali kanë marrë pjesë rreth 200 vullnetarë shëndetësor.
Njëkohësisht me paralajmërimin e tilla, KB-ja sot paralajmëroi se virusi vdekjeprurës nuk është ndalur, edhe pse zvogëlohet numri i të infektuarve nga ebola.
|