Edhe në Uashington është legalizuar përdorimi i marijuanësUashington, 26 shkurt 2015 (MIA) - Qyteti i Uashingtonit është bërë vendi i fundit në Shtetet e Bashkuara që ka legalizuar posedimin e sasive të vogla të marijuanës.
Nga mesnata e së enjtes, njerëzit që përdorin privatisht këtë lloj të drogës, nuk do të përballen me ndjekje penale.
Uashingtoni u është bashkuar Alaskës, Kolorados dhe shtetit të Uashingtonit si vendet e vetme në SHBA që lejojnë përdorimin e drogës për qëllime rekreative.
Banorët dhe vizitorët e këtij qyteti, të moshës mbi 21 vjeç, mund të posedojnë deri në 56 gram të kanabisit dhe mund të rrisin bimë, në sasi të limituar, në shtëpi.
Blerja dhe shitja e drogës mbeten ilegale, ashtu si edhe thithja në publik.
|