Në Jemen 52 viktima në një ditëSanë , 19 prill 2015 (MIA) - Të paktën 52 persona humbë jetën në 24 orët e fundit në Jemen, njoftun autoritetet shëndetësore dhe lokale, njofton DPA.
Punëtorët shëndetësorë thonë se së paku 27 vetë janë vrarë në qytetin Taez në Jemen, gjatë përleshjeve ndërmjet kryengritësve shiitë huthi dhe lojalistëve të presidentit, Abd-Rabbo Manosur Hadi.
Banorët thanë se këtë qytet në pjesën jugperëndimore të Jemenit, dje e kishin tronditur eksplodimet dhe të shtënat nga armët e zjarrit.
Të premten, koalicioni i udhëhequr nga Arabia Saudite ka ndërmarrë sulme të fuqishme ajrore kundër pallatit presidencial në Taez, që është qyteti i tretë për nga madhësia në Jemen, dhe në pozicionet e forcave speciale të ish-presidentit, Ali Abduallah Saleh, që tash janë aleatë me kryengritësit shiitë huthi.
Viktima ka pasur edhe në Aden, ku janë vrarë 13 civilë , midis të cilëve tre gra.
|