BE-ja druan se SHI do ta shkatërojë trashëgiminë kulturore në PalmirëBruksel, 21 maj 2015 (MIA) - Shefja e diplomacisë evropiane Frederika Mogerini paralajmëroi sot mundësinë për krime lufte në Palmira dhe shkatërrimin e monumenteve kulturore, pasi këtë qytet të lashtë e ndërmorën luftëtarët e Shtetit Islamik.
Mijëra njerëz i janë ekspozuar rrezikut nga dhuna, ndërsa monumenteve kulturore u kërcënohet shkatërrim, paralajmëroi Mogerni në kumtesë, duke theksuar se "Palmira është simbol i trashëgimisë kulturore siriane dhe udhëkryq i civilizimeve nëpër histori".
Sipas raporteve, qindra njerëz e humbën jetën kur xhihadistët sot e okupuan Palmirën, e cila është nën mbrojtjen e UNESKO-s, si trashëgimi kulturore botërore.
Mogerini, gjatë turnesë aktuale në Lindjen e Afërt, theksoi se BE-ja ka ndërmarrë hapa përkatës për pengimin e trafikimit me sende kulturore, duke shtuar se trafikimi drejtpërdrejtë kontribuon për financim e SHI-së.
|