Rreth 20 mijë persona janë evakuuar në Këln për shkak të një bombe të Luftës së Dytë BotëroreKëln, 27 maj 2015 (MIA) - Rreth 20 mijë banorë në qytetin Perëndimor të Gjermanisë, Këln morën urdhër për t'u evakuuar, pasi autoritetet zbuluan një bombë të rëndë 200 kilogramëshe të Luftës së Dytë Botërore.
Shkollat dhe kopshtet për fëmijë në rajon janë mbyllur, ndërsa dhjetëra automjete të ndihmës së shpejtë me urgjencë janë duke i evakuuar banorët e shtëpisë për pleq.
Bomba është zbuluar pranë urës "Mulhajm" mbi lumin Rajna. Është planifikuar bomba të deaktivizohet sot pasdite.
Autoritetet lokale paralajmëruan se derisa të zgjasë operacioni do të ndërpritet komunikacioni pranë lumit si dhe komunikacioni ajror mbi rajon.
|