Rusi: Vendimi i Ukrainës që të mos blejë gaz është me motive politike

Vjenë, 1 korrik 2015 (MIA) - Ministri rus i Energjetikës Aleksandar Novak deklaroi mbrëmë se vendimi i Ukrainës që të mos blejë gaz nga Rusia është politik.

Kompania ukrainase Naftogaz bëri të ditur se nga 1 korriku ndërpret me blerjen e gazit nga kompania ruse Gasprom deri në dakordimin e kushteve për dërgesë. Kievi e mori këtë vendim pas negociatave të pasuksesshme në Vjenë midis ministrave të energjetikës të Rusisë dhe të Ukrainës për marrëveshje përfundimtare për dërgesën e gazit.

"Nuk ka kurrfarë baza për ndërprerje të blerjes së gazit rus. Çmimi i propozuar është më shumë se konkurrues. Ky vendim mund të jetë vetëm politik, këtu nuk ka kurrfarë ekonomie", deklaroi Novak.

Ai shtoi se çmimi prej 247 dollarë është shumë konkurrues dhe se "nuk përshtatet me konjukturën e sotme të tregut".