KB: Numër rekord i emigrantëve në Evropë nga Deti Mesdhe në gjysmën e parë të vititGjenevë, 1 korrik 2015 (MIA) - Numër rekord i emigrantëve, 137 mijë kanë arritur nga Deti Mesdhe në Evropë në gjysmën e parë të vitit, theksohet sot në raportin e publikuar të komisarit të lartë të KB-së për refugjatë, Antonio Guteresh.
Në dokument theksohet se kjo është rritje drastike prej 83 për qind në krahasim me periudhën e njëjtë të vitit të kaluar. Shumica prej këtyre emigrantëve janë nisur në rrezik, ndërsa shpeshherë edhe udhëtime vdekjeprurëse me anije jo të sigurta për të ikur nga konfliktet në vendet e tyre.
Situata do të duhej të përkeqësohej me përmirësimin e kushteve meteorologjike gjatë verës, kur aktivizohen tregtarët me njerëz.
Në vitin 2014, 219 mijë emigrantë e kanë kaluar Detin Mesdhe, ndërsa në gjysmën e parë të vitit 2014 ky numër ka arritur 75 mijë.
"Evropa është përballur me krizën e refugjatëve, të cilët vijnë nga deti dhe e cila mori përmasa historike", theksohet në raportin e Guteresh.
Pjesa më e madhe e njerëzve të cilët arrijnë përmes detit në Evropë janë refugjatë të cilët kërkojnë mbrojtje nga luftërat dhe ndjekjet penale, thuhet në dokument.
Pjesa më e madhe e refugjatëve përmes Detit Mesdhe kanë arritur deri në Itali dhe Greqi, ndërsa një e treta prej tyre vijnë nga Siria, e cila është shkatërruar nga lufta qytetare. Dymbëdhjetë për qind e emigrantëve janë nga Afganistani dhe Eritreja.
Shtetet tjera nga të cilat vijnë numri më i madh i refugjatëve janë Somalia, Nigeria, Iraku dhe Sudani.
Në dokument theksohet se 1.867 prej tyre kanë vdekur gjatë udhëtimeve të ndryshme përmes Detit Mesdhe.
|