Në Gjermani janë matur 40,3 gradë rekordeBerlin, 6 korrik 2015 (MIA) - Gjermania veç disa ditë është e përfshirë nga vala e të nxehtit, dhe dje në qytetin bavarez Kicingen janë matur 40,3 gradë Celsius rekorde, kumtoi Shërbimi meteorologjik gjerman.
Kjo është temperatura më e lartë e ajrit e shënuar në Gjermani që nga viti 1881, që kur mbahen të dhënat meteorologjike. Rekordi i mëparshëm ishte 40,2 gradë.
Siç lajmëroi korrespondenti i MIA-s nga Berlini, temperaturë edhe më e lartë është matur në Universitetin në Karsrue, e cila nuk llogaritet si stacion zyrtar i matjes.
Përndryshe, krahas në Gjermani edhe në Holandë, Britani të Madhe, Tajlandë dhe Kolumbi gjatë këtij muaji të korrikut janë matur temperatura më të larta në histori.
Mot ekstrem i nxehtë pritet të vazhdojë edhe gjatë tre ditëve të ardhshme ku më të rrezikuar do të jenë Gjermania, Zvicra dhe Austria, ku më pas vala e nxehtë pritet të lëshohet në Evropën Juglindore.
|