Në Gjermani janë pranuar 250 mijë lutje për azilBerlin, 4 gusht, 2015 (MIA) - Autoritetet gjermane kanë pranuar 250.000 lutje për azil, të cilat duhet të shqyrtohen, njoftoi Zyra federale për migrim dhe refugjatë. Pritet që këtë vit numri i lutjeve të jetë rreth 500 mijë.
"Ky vërtetë është numër i madh", tha Manfred Shmit, kryetari i këtij shërbimi. Procedura për shqyrtim, sipas tij, mund të marrë rreth tre muaj.
Pritet që shpenzimet shtetërore për migrantët të rriten më shumë se dyfish këtë vit, duke arritur një shumë prej rreth pesë miliardë euro. Në vitin 2014 kjo shumë ishte 2,2 miliardë.
Në gjysmën e parë të këtij viti, në Gjermani janë regjistruar 202 incidente ndaj migrantëve, dhe ky numër rritet pothuaj çdo javë, njofton DPA.
|