Takim ministror në Pragë kushtuar krizës së refugjatëvePragë, 11 shtator 2015 (MIA) - Në Pragë sot do të mbahet takim i shefave të diplomacive të Çekisë, Gjermanisë, Luksemburgut, Polonisë, Sllovakisë dhe Hungarisë, kushtuar problemeve me fluksin e refugjatëve në Evropë.
Siç njoftoi Ministria çeke e Punëve të Jashtme, takimi duhet të kontribuojë për "mirëkuptim më të mirë të ndërsjellë mes anëtareve të BE-së" në kushte të qëndrimeve të ndryshme lidhur me mënyrat për zgjidhjen e krizës së refugjatëve.
Vendet lindore evropiane të BE-së janë kundërshtarë më të mëdhenj të politikës së shpërndarjes së migrantëve nëpër vendet evropiane sipas kuotave, siç propozon Komisioni Evropian.
Plani i Komisionit Evropian për sistematizimin e 160.000 refugjatëve që për momentin gjenden në Itali, Greqi dhe Hungari mes të gjithë 28-të vendeve anëtare të BE-së, dje me shumicë të madhe u mbështet nga anëtarët e Parlamentit Evropian.
|