Eurokomisioni pa komente për trajtimin e refugjatëve në HungariBruksel, 15 shtator 2015 (MIA) - Në Komisionin Evropian sot nuk dëshiruan t'i komentojnë masat e reja të Hungarisë kundër refugjatëve, as qëllimin e autoriteteve hungareze që me forcë t'i kthejnë në Serbi.
"Kërkuam nga Hungaria të na sqarojë ligjet e reja dhe si do të zbatohen ato", deklaroi para gazetarëve zëdhënësja e Evrokomisionit, Natasha Berto, duke u përgjigjur në pyetjen nëse grupi i ligjeve që hyri në fuqi këtë mëngjes është në pajtim me rregullat europiane.
Ligjet e reja përfshijnë edhe kompetenca më të mëdha për policinë dhe ushtrinë për të parandaluar refugjatët të hyjnë në Hungari dhe dënime me burg për ata që do të kalojnë ilegalisht kufirin.
Berto tha se nuk do t'i komentojë ligjet deri sa nuk arrin një shpjegim nga autoritetet hungareze dhe derisa komisari Evropian i punëve të brendshme dhe migracion, Dimitrios Avramopulos nuk kthehet nga vizita paraprake në Budapest.
|