Islamistët radikalë në Gjermani rekrutojnë refugjatëBerlin, 18 shtator 2015 (MIA) - Kryetari i Zyrës federale gjermane për mbrojtjen e Kushtetutës, Hans Georg Masen paralajmëroi se islamistët radikalë, salafistë po përpiqen të rekrutojnë myslimanë në mesin e refugjatëve në Gjermani.
"Ne jemi duke e ndjekur sjelljen e salafistëve si filantropë dhe humanistë të cilët me qëllim dëshirojnë kontakt me refugjatët dhe më pas ju bëjnë thirrje në xhami të caktuara me qëllim që t'i rekrutojnë për qëllimet e tyre", deklaroi Masen për gazetën "Rajnshe post".
Masen i minimizoi druajtjet se grupi "Shteti Islamik" mund të dërgojë grupe terroriste të përziera me refugjatët në Gjermani duke theksuar se Zyra federale për mbrojtjen e Kushtetutës dhe Agjencisë federale për zbulim kanë njekur shumë gjurmë dhe nuk kanë gjetur shenja se ekziston një gjë e tillë.
Rrugët përmes së cilave lëvizin refugjatët janë shumë të rrezikshme për terroristët, pasi që në këtë mënyrë rrezikojnë vdekjen apo mundësinë për t'u zbuluar, thekson Mesen.
Ekspertët e sigurisë vlerësojnë se rreziku për grupe terroriste si SHI të arrijnë të kontrabandojnë ekstremistë në Evropë bashkë me valën e refugjatëve është më i vogël se atë që e prezentojnë disa politikanë.
Qeveria gjermane sivjet pret rreth 800.000 refugjatë, para së gjithash myslimanë nga Siria, Iraku dhe Afganistani.
|