Rusia nuk do të marrë pjesë në operacionet tokësore në Siri

Aman, 6 tetor 2015 (MIA) - Rusia nuk do të marrë pjesë në operacionet tokësore të çfarëdo lloji në Siri, ndërsa Moska është e gatshme të bashkëpunojë me të gjitha shtetet e interesuara për shkatërrimin e grupit terrorist Shteti islamik, deklaroi kryetarja e Dhomës së lartë të Parlamentit rus, Këshilli i federatës, Valentina Matvijenko.

"Nuk do të marrim pjesë në operacionet tokësore të çfarëdo lloji, ndërkaq jemi të gatshëm të bashkëpunojmë me të gjitha vendet në përpjekjet e përbashkëta kundër së keqes globale - terrorizmit", theksoi Matvijenko, pas takimit me kryetarin e Këshillit jordanez të Parlamentit, Abdulrauf al Ravabdeh.

Matvijenko përkujtoi se Rusia, Iraku, Siria dhe Irani formuan qendër koordinuese, duke cekur se është "e pamundur të zhvillojë luftë kundër SHI-së dhe të shkatërrohet pa bashkëpunim".