Çekia e rrit numrin e policëve në kufirin me Austrinë

Pragë, 9 tetor, 2015 (MIA) - Ministria çeke e Punëve të Brendshme kumtoi se sot dhe nesër do të vendosë masa për rritjen e kontrollit të vendkalimeve kufitare, si dhe të numrit të policëve në kufi.

Numri i policëve, të cilët kontrollojnë kufirin me Austrinë do të rritet nga 200 në 720

Republika Çeke tani, pas ashpërsimit të paradokohshëm të sigurisë në kufirin me Austrinë, si përgjigje të vendimit të Gjermanisë për të vendosur kontrolle kufitare, e ka rritur kontrollin në 14 vendkalime kufitare.

Përfaqësuesit e policisë kumtuan se masat e reja vendosen nga kujdes për shkak të fluksit të mundshëm masiv të emigrantëve, por shtuan se deri tani, emigrantët shpesh nuk e kanë përdorur territorin e atij vendi në rrugën e tyre drejt Gjermanisë dhe vendeve të tjera të pasura perëndimore.