Hetim: Aeroplani malajzian është rrëzuar mbi Ukrainë me raketë "Buk"Hagë, 13 tetor 2015 (MIA) - Hetimi ndërkombëtar ka konkluduar se aeroplani malajzian i udhëtarëve Boing, që ishte në fluturimin MH17 në korrik të vitit 2014 është rrëzuar nga raketa tokë-ajër "Buk", e gjuajtur nga një rajon në Ukrainën Lindore që ka qenë nën kontroll të kryengritësve prorusë, informoi gazeta holandeze "Folskrant".
Gazeta i referohet tre burimeve, të cilët kanë kontribuar për versionin përfundimtar të raportit për shkaqet e rrëzimit të aeroplanit.
Raporti do të publikohet sot pasdite në Holandë nga këshilli nacional për siguri, që e koordinon hetimin ndërkombëtar.
|