Seperatistët katalonjas në gjyq për shkak të votimit për pavarësi

Madrid, 13 tetor, 2015 (MIA) - Para gjykatës në Barcelonë sot filloi dëgjimi i zyrtarëve katalonjas të akuzuar për shkelje të ligjeve për shkak se vitin e kaluar kanë mbajtur votim për pavarësi nga Spanja.

Ministrja katalonase e Arsimit, Irene Rigaj mbërriti në Gjykatën Rajonale në Barcelonë, e shoqëruar nga anëtarët e Qeverisë së Katalonjës dhe udhëheqës tjerë separatistë.

Pas saj, para gjykatësit do të dalin Hoana Ortega, ish-zëvendëskryeministre e qeverisë rajonale, ndërsa kryetari i Qeverisë Artur Mas dhe lider i lëvizjes për pavarësi do të dëgjohet të enjten.

Ata janë akuzuar për padëgjueshmëri qytetare dhe shpenzime të paligjshme të fondeve publike për shkak se kanë mbajtur votim të paobligueshëlm për pavarësi në nëntor të vitit 2014, në të cilën nga katalanasit kërkohej të deklarohen nëse krahina e tyre duhet të mbetet pjesë e Spanjës.