Franca do të dëbojë 17.000 të huaj në vitin 2015Paris, 13 tetor, 2015 (MIA) - Ministri francez i Punëve të Brendshme, Bernard Kazenev, duke iu përgjigjur akuzave që vijnë nga djathtistët në lidhje me politikën e qeverisë socialiste mbi emigracionin, sot deklaroi se në vitin 2015 do të dëbohen 17.000 të huaj, të cilëve u është refuzuar kërkesa për të qëndruar në Francë, njofton korrespodenti i MIA-s nga Parisi.
"Në vitin 2015 ne do të kemi mbi 17.000 dëbime, kundrejt 15.253 në vitin 2014", deklaroi Kazanev në Paris, duke folur për valën e paparë deri tani të migrimit në Evropë dhe për disponimin e paparë antimigrues mes evropianëve.
Sipas Kazenev, në vitin 2011 gjatë kohës së qeverisë djathitiste të Nikolla Sarkozit, janë dëbuar vetëm 12.054 të huaj, që është deri tani numri më i ulët, edhe krahas përpjekjeve të ish-presidentit për dëbimin e të huajve pa dokumente.
|