BE-ja nuk dëshiron të komentojë për aeroplanin e rrëzuar rus derisa nuk konfirmohet në të vërtetë se çfarë ka ndodhur Bruksel, 24 nëntor 2015 (MIA) - Bashkimi Evropian nuk dëshiron zyrtarisht të reagojë për aeroplanin e rrëzuar rus në qiellin e Sirisë, që sipas informatave parësore e ka bërë aviacioni i Republikës së Turqisë, lajmëroi korrenspondenti i MIA-s nga Brukseli. Zëdhënësi i Komisionit Evropian Aleksander Vitershtajn në pres-konferencën e rregullt të mesditës në ndërtesën "Berlemont" të KE-së në Bruksel, refuzoi në emër të Brukselit zyrtar të japë vlerësim parësor dhe koment për aeroplanin e rrëzuar të aviacionit të Federatës Ruse me të cilën BE-ja ka marrëdhënie të ashpërsuara dhe sanksione tregtare të sjellura pas ngjarjeve në Ukrainë.
"Tani për tani i ndjekim nga afër ngjarjet dhe mundohemi të konfirmojmë se çka ka ndodhur me të vërtetë. Për atë, për momentin nuk mundemi të tregojmë asgjë më shumë", porositi Vintershtajn, zëdhënës i Qeverisë joformale të Bashkimit Evropian.
Ngjarjet e sotme në qiellin sirian e ngritën alarmin edhe në NATO, prej ku pritet reagim i Aleancës Veriore, anëtare e të cilës është Turqia, ndërsa në selinë e të cilës në orën 16:00 pritet takim mes sekretarit të përgjithshëm Jens Stoltenberg dhe presidentit të Maqedonisë Gjorge Ivanov.
|