Merkelit i kanë dërguar një autobus me refugjatë nga Siria

Berlin, 14 janar 2016 (MIA) - Përfaqësues të qarkut Landshut në krahinën gjermane Bavaria dërguan një autobus me refugjatë sirianë në kabinetin e kancelares gjermane në Berlin.

Këtë e kanë bërë në shenjë proteste kundër politikës së saj ndaj migrantëve.

Kryetari i qarkut LandЃhut, Peter Drajer, thotë se rajoni rural nuk mund ta përballojë ngarkesën e ardhjes masive të migrantëve në Gjermani.

Një autobus me 51 refugjatë të moshës midis 21 dhe 45 vjeç, e braktisi LandЃhut mëngjesin e sotëm rreth orës nëntë dhe pritet se pas 570 kilometrave do të mbërrijë në Berlin vonë pasdite.

Drajer tha se bashkëqytetarët e kanë porositur se është "koha të vendoset kufi".

"Po përpiqemi t'u ndihmojmë këtyre personave që të integrohen. Por kjo nuk do të funksionojë nëse këtë vit ballafaqohemi me miliona refugjatë, ose madje më shumë", paralajmëroi ai.

Për këtë arsye, siç shpjegoi, është koha që të ndikojmë që politikanët ta ndryshojnë qëndrimin e tyre.