Konfirmohen dy raste të virusit zika në IrlandëDublin, 3 shkurt 2016 (MIA) - Në Irlandë janë konfirmuar dy raste të infektimit nga virusi zika, kumtuan autoritetet shëndetësore. Janë infektuar një burrë dhe një grua më në moshë, që të dy janë duke u rikuperuar nga virusi, njofton Bi-Bi-Si.
Ata kanë udhëtuar në shtete ku ekzistojnë raste me të infektuar.
OBSH kumtoi se shtetet evropiane duhet të fillojnë të përgatiten që ta mbrojnë popullatën nga virusi zika.
Virusi zika me shpejtësi të madhe është duke u përhapur në Amerikën e Veriut dhe të Jugut, ndërsa OBSH për këtë shpalli situatë të jashtëzakonshme globale.
|