Gjithnjë e më shumë kundërshtarë për "Planin gjerman" për deportimin e refugjatëveBerlin, 11 mars 2016 (MIA) - Gjithnjë e më shumë vende kundërshtojnë planin e kancelares Angela Merkel për deportimin masiv të kërkuesve të refuzuar të azilit në Turqi.
Sipas gazetës "Lajmet ekonomike gjermane" (Deutsche Wirtschafts Nachrichten) disa vende kundërshtojnë politikën e re të Merkelit për të cilën Turqia përnjëherë u bë shembull për respektimin e të drejtave të njeriut.
Sipas gazetës në mënyrë drastike rriten kritikat ndaj Merkelit. Krahas Komisariatit të lartë për refugjatë pranë KB-ve sipas të cilit deportimi kolektiv i kërkuesve të azilit pa kontroll të thellësishëm të kërkesës është shkelje e të drejtave ndërkombëtare dhe asaj evropiane, planin e kundërshton edhe Austria, Belgjika dhe Luksemburgu.
Ministri i Punëve të Jashtme i Luksemburgut thotë se plani duhet thellësisht të kontrollohet si juridikisht dhe politikisht ashtu edhe në aspektin e të drejtave të njeriut.
Sipas ministrit belg të Punëve të Brendshme Jan Jambod në plan është kontestuese pjesa për pranimin e shpejt të Turqisë në BE pasi vendi është "shumë larg nga vlerat dhe parimet evropiane ndërsa për Austrinë kontestuese është i tërë plani, transmeton gazeta gjermane.
Nga ana tjetër Merkeli dhe kabineti i saj kërkojnë urgjentisht zbatimin e planit i cili duhet ta pengojë krizën e refugjatëve në vitin 2016 dhe më tej. Sipas shefit të kabinetit të Merkelit dhe përgjegjës për çështjet e refugjatëve Peter Altmaer, Turqia është më përgjegjëse në tejkalimin e krizës së refugjatëve dhe nga disa vende anëtare në BE.
Sipas një nga bashkëpunëtorët më të afërt të Merkelit, Turqia në rastin e refugjatëve sillet më evropiane nga disa vendet evropiane, ndërsa plani jep gjasa reale që të zgjidhet kriza e refugjatëve pa shkelur parime humanitare.
|