Debakli zgjedhor nuk e ndryshon politikën e Merkelit për refugjatët

Berlin, 14 mars 2016 (MIA) - Kancelarja gjermane Merkel nuk planifikon ta ndryshojë politikën e vet lidhur me refugjatët krahas disfatës së madhe në zgjedhjet e djeshme krahinore, lajmëroi korrespondenti i MIA-s nga Berlini.

Zëdhënësi i Qeverisë federale Shtefan Zajbert thotë se Qeveria mbetet në politikën e njëjtë për refugjatët.

"Qeveria federale do të mbetet në rrugën e vet për refugjatët, tërësisht e përkushtuar edhe brenda në Gjermani edhe jashtë saj", deklaroi sot Zejbert në Berlin.

Sipas zëdhënësit të kancelares qëllimi duhet të jetë zgjidhja e përbashkët e qëndrueshme evropiane e cila çon në zvogëlimin e përhershëm të numrit të refugjatëve në vendet anëtare në Bashkimin Evropian.

Partia e Merkelit CDU dje para se gjithash për shkak të politikës së dyerve të hapura ndaj refugjatëve pësoi disfatë në dy nga tre njësitë federale ku mbahen zgjedhje.