Helikopteri rus rrëzohet në SiriMoskë, 12 prill 2016 (MIA) - Helikopteri ushtarak Mi-28H i aviacionit ushtarak rus u rrëzua në Siri, me çrast humbën jetën dy pilotë, kumtoi sot Ministria e Mbrojtjes e Rusisë, me vërejtje se fluturakja nuk është qëlluar.
Helikopteri u rrëzua sot në mëngjes gjatë misionit në rajonin e qytetit Homs në pjesën qendrore të Sirisë, theksohet në kumtesë.
Siç lajmëron TASS, trupat e pilotëve të ndjerë janë transportuar në bazën ruse të aviacionit në Hmeimim.
Në vendin e aksidentit kryhen hetime, ndërsa shkaku për të cilin është rrëzuar helikopteri ende nuk dihet.
Helikopteri luftarak Mi-28H u përdorën gjatë operacionit për çlirimin e Palmirës.
|